Клучниот поен за водство и победа го донесе нашата најдобра тенисерка Лина Ѓорческа која со 2-0 во сетови (75 63) ја победи Екатерина Висневскаја за 91 минута. По 2:2 во гемови во првиот сет Висневскаја го зема гемот на свој сервис, а потоа направи брејк за водство од 4:2. Но, нашата тенисерка го врати загубениот гем на свој сервис намали на 4:3, а потоа во најдолгиот гем на свој сервис откако спаси шест брејк топки изедначи на 4:4. Потоа двете тенисерки освоија по еден гем и по 5:5, Ѓорческа направи уште еден брејк за 6:5 и во 12.тиот гем на свој сервис ја искористи првата сет топка за 7:5.
Во вториот сет имаше повеќе брејкови (Ѓорческа 4/7, Висневскаја 2/3). По 2:2 во сетот Ѓорческа поведе со 5:2, но не го освои гемот на свој сервис, за потоа во следниот да направи брејк и да го добие сетот со 6:3.
Во првиот меч Магдалена Стоилковска ја победи Даниела Чобану со 2-0 во сетови (76(5) 75).
Во мечот во двојки за Македонија ќе играат Ива Данева и Александра Симева, а за Молдавија Лиа Белибова и Арина Гамреткаја.
Фото: Игор Паневски