Дека Летонците се подготвуваат за победа во мечот во двојки покажа и потегот на нивниот тренер Денис Павловс да направи промена и во состав да го активира нивниот најдобар играч Роберт Штромбачс. Летонците мечот во двојки го добија со 2-0 во сетови (64 64) за 1 час и 13 минути игра.
Во првиот сет се водеше голема борба за секој поен и гем и нерешено беше до 9.тиот гем и резултатот 4:4 кога летонскиот дубл успеа да направи брејк и да поведе со 5:4, а веднаш потоа и да го добие гемот на свој сервис за 6:4 и водство од 1-0 во сетови. Во следниот сет противниците кои сервираа одлично направија брејк во третиот гем и со тоа поведоа со 2:1 и предноста ја зачуваа до крајот на сетот што заврши идентично како и првиот 6:4 и со тоа Летонија го доби дублот со 2:0, а мечот со 2-1 во добиени мечеви.
На крајот на трите првопласирани национални тимови им беа доделени медали.
Резултати 5.коло: Македонија – Летонија 1-2, Црна Гора – Молдавија 3-0 и Малта – Ерменија 3-0.
КОНЕЧЕН ПЛАСМАН: ЛЕТОНИЈА 5-0 (победи/порази), ЦРНА ГОРА 4-1, МАКЕДОНИЈА 3-2, МОЛДАВИЈА 2-3, МАЛТА 1-4, ЕРМЕНИЈА 0-5.
Трите првопласирани селекции: Летонија, Црна Гора и Македонија изборија промоција во Втората Светска група, Молдавија и следната година ќе настапува во Третата Европска група, додека Малта и Ерменија испаднаа и следната година ќе играат во Четвртата Европска група.
ФОТО: Игор Паневски
