Македонските претставници беа учесници во два финални меча на МТП опен турнирот за тенисери и тенисерки до 12 години што изминатава недела се одржуваше во Скопје.
Кај момчињата финалист беше Олег Мирчески, кој по двете победи во групата над Вук Двокиќ од Србија и Димитриос Леу од Романија се избори да игра во завршницата на трунриот. Во четвртфиналето со убедливи 2-0 (61 60) го победи Бурга Антар од Турција, а во полуфиналето со истиот резултат го совлада Чан Берк Нигделиоглу од Турција. Поуспешен од него во финалниот меч беше Микаел Иванов со 2-0 во сетови (62 62).
Во конкуренција на двојки Ведрана Танеска заедно со Ника Колоколова од Летонија го загубија финалето од Мадина Рохманова од Турција и Ена Табак од БиХ со 2-0 во сетови (63 63).
