Триумф на Грујиќ во дубл, а финале за Сара Митевска во сингл

Успешен анстап имаа македонските млади тенисери на турнирот што денеска заврши во Скопје Neotel Open 2025 за тенисери и тенисерки до 16 години. Во конкуренција на двојки кај момчињата Александар Грујиќ заедно со Кристијан Стефанов од Бугарија завршија како победници, додека Сара Митевска во поединечна конкуренција играше во финалето.

Грујиќ и Стефанов во финалето со 2-0 во сетови (63 62) ги совладаа вторите носители Стефан Мојсејев од Србија и Диого Филепе Силва Ордоњо од Португалија со 2-0 во сетови. Претходно во полуфинале оставрија победа против Давид Грабул од Македонија и Задиг Добринине од Франција со 2-0 во сетови (63 75), додека во четвртфиналето беа поуспешни од Лука Кировски (Македонија) и Лука Глуцк (Германија) со 2-0 во сетови (63 62). Најтешко до победата стигнаа во мечот од второто коло кога со 2-1 во сетови (46 76 10-3 на поени) ги победија Матијас Гетинг и Аурелиус Херц од Германија.

Сара Митевска на патот до финалето ги победи Ирис Димопулу од Грција со убедливи 2-0 во сетови (61 60), потоа Ангелина Вишеневска од Украина со 2-0 во сетови (62 60). Во четвртфиналето ја совлада Софија Сарач од Австралија со 2-0 во сетови (63 62), а во полуфиналето беше поуспешна од Дионисис Кукули од Грција со 2-0 (63 61). Поуспшена од македонската тенисерка беше Фангју Шанг од Кина која во финалето оствари победа од 2-0 во сетови (63 61).