Најдобриот македонски тенисер Калин Ивановски го заврши настапот на Челинџер 50 турнирот во Ројан, Франција откако во мечот од второто коло загуби од петтиот носител Димитар Кузманов од Бугарија со 2-1 во сетови (46 63 63) за 2 часа и 25 минути игра.
Ивановски имаше одличен почеток на мечот со брејк во првиот гем, а потоа во седмиот гем уште еднаш го одзема сервисот на противникот за водство од 5:2 во гемови. Противникот сепак успеа да намали на 5:4 со еден брејк, но Ивановски сетот го заврпи со 6.4 и водство од 1-0. Сепак поискусниот ривал (31.година) во следниот сет делуваше посигурно и на почетокот на сетот во вториот гем направи брејк и брзо стигна до предност од 3:0, која ја задржа до крајот на сетот за 6:3 во гемови и 1-1 во сетови. Во решавачкиот сет Кузманов повторно на стартот направи брејк за водство од 1:0, а во продолжението не дозволи Ивановски да има брејк шанса и сетот го заврши со 6:3 во гемови што значеше победа од 2-1 во сетови.
Ивановски за настапот во второто коло на овој Челинџер ќе освои 4 поени, а следнадата недела го очекува на настап на ИТФ фјучрс турнир во Загреб.