Младиот македонски тенисер Марко Алексовски имаше успшене настап изминатава недела на турнирот „Shkodra Open“ во албанскиот град Скадар. Марко успеа да триумфира во двете конкуренции – сингл и двојки.
Во поединечна конкуренција Алексовски во финалето на убедлив начин со само два загубени гема го победи домашниот тенисер Денис Габа со 2-0 во сетови (62 60). Најмногу проблеми имаше во полуфиналето каде со поголема борба го совлада Иван Пјачура со 2-0 во сетови (75 76) со кого настапуваше и во конкуренција на двојки. Во првата рунда Алексовски како прв носител беше слободен, а оствари победи и против Џанмарко Мендола од Италија 2-0 во сетови (62 62), Василеиос Ликуресис од Грција 2-0 (63 61).
Во конкуренција на двојки заедно со Пјачура во финалето ги победија тенисерите од Грција Ликуресис и Танос Херопулос со 2-0 во сетови (61 76).