Во поединечна конкуренција кај момчињата дејвис куп рептезентативецот на Македонија, Кристијан Јанев стигна до полуфиналето каде беше поразен од Романецот Лука Стефан Нита со 2-0 во сетови (62 75).

Оваа недела е третиот од четирите турнири што се играат во Скопје. На терените на ТК Југ се игра турнирот Ј30 Скопје Интеко Опен 2025.

Младиот македонски тенисер Максим Дојчинов триумфираше во конкуренција на двојки на турнирот во Подгорица. Тој заедно со Матија Станковиќ од Црна Гора во финалето ги победија Матијас Билока и Арнур Маратов со 2-0 во сетови (64 64).

Турнирот во Подгорица е од категорија 2.

Дојчинов и Станковиќ за да стигнат до пехарите мораа да извојуваат четири победи од кои три со 2-0 во сетови, а во полуфиналето ги победија Едон Адеми и Василије Лазаревиќ со 2-1 во сетови (во сетот на поени беше 10-4).

Во денешното финале на турнирот во Барселона „Антонио Хернандез Куп“ (категорија 1) до победата стигна откако ривалот го предаде мечот. Вториот носител Стефан Шангичев од Шпанија го доби првиот сет во тај брејк со 7-6 (8:6 на поени) во кој решаваа нијанси, а притоа Алексовски не искористи три сет топки (две во сетот и третата во тај брејкот). Но, тоа не беше причина македонскиот тенисер да продолжи со добрата игра. Напротив во вториот сет Марко заигра уште подобро и поведе со 3:0 во гемови кога противникот го го предаде мечот.

Алексовски во финалето го победи вториот носител, во полуфиналето беше поуспешен од четвртиот носител, а во четвртфиналето го елиминираше и првиот носител.

Резултати на Марко Алексовски на турнирот во Барселона.

1.коло – Бен Висер (Изараел)  2-0 (61 60)

2.коло – Алваро Марин (Шпанија) 2-0 (64 61)

3.коло – Хозе Луис Вега Понс (Шпанија) 2-0 (60 76)

1/4 финале – Франциско Сардиња (1.носител, Португалија) 2-1 (6136 61)

1/2 финале – Јаков Мазин (4.носител) 2-1 (36 60 64)

Финале – Стефан Шангичев (2.носител, Шпанија)  (67 30 предаде)

Марко Алексовски е дел од тимот на ITF-Tennis Europe кој е финансиран од Grand Slam Development Fund претходната недела играше полуфинале на турнирот во Белгија, а следната недела го очекува уште ден настап на турнир во Аликанте, Шпанија.

Македонската тенисерка Лина Ѓорческа го загуби финалето на турнирот W 75 Куршумилијска Бања, Србија што се игра за награден фонд од 60.000 долари. Поуспешн ао неа беше домашната тенисерка Теодора Костовиќ со 2-0 во сетови (75 63) за два часа игра. Ова за Ѓорческа беше второ финале во две недела во Куршумлијска Бања, а трето на истата локација оваа година (има една победа и два пораза) во финалните мечеви.

Ѓорческа за пласманот во финалето ќе освои  49 поени и ќе забележи значителен скок на ВТА листата од околу 70 места.

Во денешното финале по македонската тенисерка имаше добар старт и водство од 4:2 во гемови, а во седмиот гем по 14 одиграни поени, Ѓорческа беше на чекор до 5.2, но ривалката намали на 4:3. По изедначувањето на 4:4 и 5:5, сетот беше решен во 12-тиот гем кога Костовиќ направи нов брејк. Во вториот сет по 3:3 во гемови, следуваа двата најдолги гема во мечот, а двата и припаднаа на српската тенисерка која стигна до 5:3. Во седмиот гем беа одиграни 18 поени, а во осмиот гем 12 поена. На крајот сетот заврши со 6:3 за тенисерка од Србија.

За Ѓорческа по двете финалиња, следува пауза и следниот настап ќе го има во Битом во ПОлска селедниот понеделник (25.август).

Младиот македонски тенисер Марко Алексовски по полуфиналето во Белгија, на следниот турнир во Шпанија (Барселона) успеа да се избори за финалниот меч на турнирот во Барселона. Алексовски вчера во полуфиналето успеа да го совлада Јаков Мазин со 2-1 во сетови (36 60 64). Притоа Марко во решавачкиот сет иако беше во негатива и губеше со 2:4 успеа да спаси топка за 5:2 за ривалот и со серија од четири гема го доби сетот цо 6:4 и со тоа и мечот.

Алексовски денеска во финалето ќе игра против Стефан Шангичев од Шпанија. Почетокот на мечот е во 9:30 часот.

Македонската тенисерка Лина Ѓорческа втора недела по ред ќе игра финале во Куршумлијска Бања. Минатата недела беше финалистка на турнир од категорија W35, a денеска ќе игра во финалето на турнирот W75 во Куршумлијска Бања.

Ѓорческа вчера во полуфиналето ја совлада првата носителка Ралука Шербан од Кипар откако ја победи на убедлив начин со 2-0 во сетови (62 62),

Противничка во финалето ќе и биде 18-годишната тенисерка од Србија Теодора Костовиќ, која со 2-1 во сетови вчера ја совлада Ања Станковиќ.

Финалето денеска се игра со почеток во 10 часот.

Младиот македонски тенисер Марко Алексовски успеа да се избори за уште едно полуфинале од серијата турнир на кои настапува како дел од тимот на ITF-Tennis Europe кој е финансиран од Grand Slam Development Fund. Во најинтересниот меч од четвртфиналето на турнирот во Барселона (играчи до 14 години) што се играше на теренот број 1 Алексовски со 2-1 во сетови (61 36 61) го победи Португалецот Франциско Сардиња и со тоа избори полуфинале на турнирот. Марко и претходната недела беше полуфиналист на турнир од категорија 1 што се играше во Белгија.

Алексовски утре во полуфиналето ќе игра против Јаков Мазин.

Во полуфиналето во игра на двојки Алексовски и Сардиња (двајцата се дел од тимот на ИТФ) загубија од шпанските тенисери Хаиме Алкараз и Стефан Шангичев со 2-0 во сетови (62 63).

Македонската тенисерка Лина Ѓорческа на убедлив начин стигна до пласман во полуфиналето на турнирот во Куршумлијска Бања. Таа во денешниот четвртфинале меч на противничката Аурора Ѕантедески од Италија и препушти само пет гема и оствари победа од 2-0 во сетови (64 61) за 80 минути.

Ѓорческа имаше сигурен почеток на мечот и поведе со 4:1 во гемови, но ривалката успеа да изедначи на 4:4. Сепак до крајот на сетот Лина ги доби двата гема, а девттиот беше решавачки и најдолг гем бидејќи по 10 одиграни поени македонската тенисерка поведе со 5:4, а сетот го доби со 6:4. Во вториот сет Ѓорческа имаше доминација и по водството од 3:0 во гемови, сетот го заврши со 6:1.

Во полуфиналето утре ќе игра против Ралука Шербан од Кипар (прва носителка), која со 2-0 во сетови (64 63) ја совлада Селена Јаничијевиќ од Франција.

Турнирот е од рангот W75 и се игра за награден фонд од 60.000 долари.

Младиот македонски тенисер Марко Алексовски постигна победа со 2:0 во сетови во мечот од третото коло на турнирот во Барселона за играчи до 14 години. Турнирот е од категорија 1. Алексовски е дел од тимот на ITF-Tennis Europe кој е финансиран од Grand Slam Development Fund. и утре во четвртфиналето ќе игра против првиот носител член исто на ИТФ тимот Франциско Сардиња од Португалија.

Во денешниот сингл меч Алексовски постигна победа во два сета – 6:0 и 7:6 (3) против Хозе Луис Вега Понс од Шпанија. Во мечот во конкуренција на двојки Алексовски и Сардиња, кои се први носители ги совладаа Даниел Елиас и Реита Јаманака со 2:1 во сетови (6:4; 5:7 и 10-7 на поени после негатива 1:7 во меч тајбрејкот).

Утрешниот четвртфинале меч меѓу Алексовски и Сардиња ќе биде вистинско дерби на турнирот во Барселона.

Македонската тенисерка Лина Ѓорческа избори пласман во четвртфиналето на турнирот W75 Куршумлијска Бања што се игра за награден фонд од 60.000 долари. Нејзината противничка Дарја Астахова го предаде мечот во вториот сет при водство на Ѓорческа од 1-0 во сетови и 2:0 во гемови во вториот сет и во третиот гем 40/0.

Голема борба имаше во завршницата на првиот сет, кога Ѓорческа испушти предност од 5:2 во гемови, но сепак успеа да го добие тај брејкот со 8:6 на поени. По водството од 2:0 во гемови во вториот сет противничката го предаде мечот поради повреда.

Утре во четвртфиналето македонската тенисерка ќе игра против Аурора Ѕантедески од Италија, која со 2-1 во сетови ја совлада петтата носителка Португалката Матиле Жорге.