Ѓорческа ја доби првата ривалка во квалификациите на Ролан Гарос

Македонската тенисерка Лина Ѓорческа во текот на следната недела ќе биде дел од квалификацискиот дел од женскиот турнир на Гренд слем турнирот Ролан Гарос во Париз. Таа во првата рунда од квалификациите ќе игра против Сузан Ламенс од Холандија.

Нејзината прва ривалка Ламенс има 26 години и се наоѓа на 124.место на ВТА листата и е рангирана како 17.носителка на квалификацискиот турнир.

Мечот ќе се игра утре (понеделник) како втор меч на теренот број 4. Почетокот на програмата на мечеви е во 10 часот. 

Оваа година Лина Ѓорческа имаше настап и на првиот ГС турнир Австралија опен.