Прашања и одговори со Сара Митевска, младата македонска тениска надеж

Младата македонска тенисерка Сара Митевска е новата надеж на македонскиот женски тенис. Таа изминатава година имаше неколку турнирски победи, а на некои од турнирите имаше и двоен успех (триумф во конкуренција на двојки). Успесите ја промовираа младата 15 годишната македонска тенисерка и во европски рамки особено што имаше забележителни настапи на неколку турнири. Сара „го оди“ својот тениски пат, трпеливо работи се подготвува за предизвиците што ја очекуваат, пред сè преминот и настапите во сениорска конкуренција.

Младата македонска тенисерка зборува како искусна тенисерка потенцирајќи дека работата на теренот и дисциплината се клучните фактори за тениски и спортски успех. Нешто за што сонуваат сите млади спортистки кои се на возраст на Сара. Таа веќе е активна и напорно работи и се подготвува за новите тениски предизвици во новата сезона.

 Во продолжение следува интервјуто со Сара Митевска.

 Зошто го избра тенисот како твој спорт?

 -Со тенис започнав 4,5 – 5 години. Со семејството бевме во еден клуб бев застаната на мрежата и тогаш татко ми ја забележа мојата љубов кон тенисот и ми кажа ајде можеш да влезеш.

 

         

 Што те привлече кај овој спорт? 

 -Ме привлече рекетот, на мали години ми беше многу интересен.

 Како e еден ден на Сара со тренинзи?

 -Во зависност како сум на училиште. Кога сум прва смена почнувам во 8.30 или 9 часот, околу 12 часот завршуваме. Потоа следува фитнес тренинг со Ивица и потоа во текот на денот уште еден тренинг.

 Колку пати неделно тренираш кога не си на турнир?

 -Тренирам секој ден и тоа меѓу 3-4 часа.

 Што мислиш што е поважно талентот или дисциплината?

 -За мене и двете, ама повеќе дисциплината. Имам многу предизвици. Оваа година кога играв на турнир во Теннис парк (Скопје) бев прва носителка и ми беше целта да го освојам турнирот и ми се отсвтвари тоа.

 Како се справуваш со порази и кои се тешките моменти?

 -Секогаш од пораз учам некоја лекција. Таму каде што сум погрешила го работиме на тренинг.

 Кој најмногу ти помага во мотивацијата во пресрет на мечевите?

 -Мајка ми, татко ми или сестра ми.

 Чувствуваш ли дека си пример за другите девојки, пред сè оние помладите?

 -Да. Можам да кажам дека се трудам најмногу. Сакам да ја постигнам целта.

 Дали мислиш дека девојките ги имаат истите можности како момчињата во спортот?

 -Не. Момчињата се физички подобри од нас.

     

 Kои се твоите тениски планови – соништа?

 -Најверојатно да освојам некој Грен слем турнир – Ролан Гарос.

 Најомилен тенисер – тенисерка?

 -Ако прашувате за сега Карлос Алкараз, Мира Андреева, Коко Гоф, а како идол Новак Ѓоковиќ.

 Kаде се гледа Сара за пет години?

 -Се надевам дека ќе постигнам резултат на меѓународно врвно ниво на ВТА ранг-листата.

 Омилен удар?

 -Дроп шот.

 Омилена подлога?

 -Земја.

 Кој меч (турнир) нема никогаш да го заборавиш?

 -Бев на турнир во Рим. Турнир од Супер категорија до 16 години на tennis Europe. Беше неверојатно чувство. Игравме заедно со тенисерите на турнирите на АТП 1000 и ВТА 1000. Тоа нема никогаш да го заборавам.

 Колку траел твојот најдолг меч?

 -Траеше меѓу 3,5 или 4 часа. Тука на терените на ТК Југ на теренот број 1 пред две години.

 Порака за младите девојки?

 -Најважно е да уживаат во тој процес што сакаат да го работат. Ако сакаат да постигнат врвно ниво да веруваат во себе и да се горди на тоа што го прават. Ќе надополнам дека за тенисот треба многу работа и дисциплина.

     

 За следната 2026 година кои се твоите планови?

 -Да учествувам на турнири од професионално ниво и да настапувам на јуниорските грен слем турнири и нормално да се изборам за некој ВТА поен.

 цело видео од интервјуто со Сара може да го проследите на youtube линкот.

 #АСзаЕднаквост #ЖениВоСпорт