Пресврт победа за финале на Ѓорческа

Македонската тенисерка Лина Ѓорческа ќе игра утре во финалето на ИТФ турнирот во Куршумлијска Бања. Таа со пресврт дојде до победата и финалето на турнирот што се игра за награден фонд од 30.000 долари. Ѓорческа ја совлада Дарја Астахова со 2-1 (26 62 64) за два часа и 22 минути игра.

Ова за Ѓорческа е второто финале во 2025 година. Првото го играше во Куршумлијска Бања и во финалето ја совлада Марта Матула од Грција.

Во првиот сет ривалката имаше комплетна контрола над резултатот и водство од 4:1 во гемови и сетот го заврши со 6:2 за водство од 1-0 во сетови. Во вториот сет Ѓорческа покажа дека е решена да игра уште едно финале во Куршумлијска Бања и поведе со 4:0 во гемови за сетот да го заврши со 6:2 за 1-1 во сетови. Во решавачкиот сет Ѓорческа по 3:3 во седмиот гем го направи решавачкиот брејк и дојде до посакуваната предност и сетот го заврши со 6:4 во гемови.

Ова беше трета победа за македонската тенисерка во третиот меѓусебен меч со Астахова.

Утре во финалето Ѓорческа ќе игра против првата носителка Мирјам Булгару од Романија, која со 2-0 во сетови ја победи Денислава Глушкова од Бугарија.