Ивановски го предаде мечот во второто коло на ИТФ турнирот во Пардубице

Македонскиот тенисер Калин Ивановски денешниот меч од второто коло на ИТФ турнирот Пардубице 25 го предаде во вториот сет. Тој мечот го предаде при водство од 1-0 во сетови за противникот и 2:1 за него во гемови во вториот сет.

Поуспешен од него беше Германецот Клаус Пенинг. Во првиот сет се водеше голема борба, а единствениот брејк го направи Пенинг во 11.гем за водство од 6:5 и потоа го доби и следниот гем на свој сервис. Во вториот сет во трите одиграни гемови немаше ниту еден брејк, но Ивановски го предаде мечот.

Македонскиот дејвис куп репрезентативец во текот на летото имаше проблеми со повредата и ова за него беше втор турнир на кој настапи.

Ивановски за следната недела е пријавен за настап на турнир во романскиот град Слобозиа.